FASE CLASIFICATORIA CAMPO A TRAVÉS – XOGADE (domingo 13 xaneiro, Lugo)

Comezamos este primeiro luns de xaneiro coa FASE CLASIFICATORIA DE CAMPO A TRAVÉS de XOGADE, nunha segunda xornada que terá lugar este domingo 13 de xaneiro, de novo no Pazo de Feiras e Exposicións de Lugo e cuxa participación realizarase individualmente ou por equipos nas distintas categorías, dos que sairán os escollidos para o Campionato Provincial de febreiro.

Igual que na preparatoria anterior, a partir das 11:00 horas darase o pistoletazo de saída ás primeiras carreiras para as categorías SUB10, SUB12 e SUB14, rematando cos e coas atletas SUB16 arredor do mediodía. Nesta ocasión, o circuíto, as distancias e os horarios de cada unha serán os seguintes.

LEMBRA OS SEGUINTES ASPECTOS IMPORTANTES DE CARA Á COMPETICIÓN:

• Acudir, polo menos, 50 minutos antes da hora da túa carreira, co documento persoal de identidade.
• Traer imperdibles para colocar o dorsal que che facilite a organización, ademais das zapatillas de cravos (se as tes) e roupa de cambio (segundo a meteoroloxía).
• Vestir a equipación de competir do Club ou, no seu defecto, a roupa de adestramento obrigatoria da Escola (camiseta e sudadera).
• Disfrutar moito da xornada, con competitividade e diversión!

AGARDÁMOSVOS!