INSCRICIÓN E RESERVA DE PRAZA NA ESCOLA DE ATLETISMO – TEMPADA 2024/25

Co verán a piques de rematar e a volta á rutina no mes de setembro, informámosvos de que xa está ABERTA A INSCRICIÓN E RESERVA DE PRAZA para a Tempada 2024/25 da nosa Escola de Atletismo, que dará comezo o próximo martes 17 de setembro nas pistas do Estadio Gregorio Pérez Rivera, en Lugo.

Como cada ano, seguimos traballando para mellorar a nosa labor e esta nova tempada volvemos con algunha novidade, co obxectivo de continuar achegando o atletismo aos máis cativos/as:

          ➩ Mantemos os mesmos días e horas para favorecer a conciliación familiar.

          ➩ Conxelamos as cotas da tempada anterior nesta nova Tempada 2024/25.

          ➩ Engadimos a cota reducida para atletas que só poidan adestrar un día á semana.  [!] Novidade 

          ➩ Descontos especiais para as familias con 2 ou máis atletas na Escola.

          ➩ Posibilidade de pago en cota única ou mensual de xeito telemático.

 

Os adestramentos teñen lugar nas Pistas de Atletismo do Estadio Gregorio Pérez Rivera (baixando da piscina As Pedreiras, ubicación aquí), nos seguintes días e horas por categoría:

• Categorías SUB8 (2019-2018) e SUB10 (2017-2016): a escoller ata 3 días/semana.
  • De martes a venres de 17:00 a 18:00 horas.

• Categoría SUB12 (2015-2014): a escoller ata 3 días/semana.
  • De martes a venres de 18:00 a 19:30 horas.

• Categoría SUB14 (2013-2012): ata 4 días/semana.
  • De martes a venres de 18:00 a 19:30 horas.

 

Para reservar praza na Escola de Atletismo a Tempada 2024/25, só tes que cubrir o formulario online «Pre-inscrición» dispoñible aquí ou na imaxe posterior, antes do 17 de setembro de 2024. O importe da reserva de praza descontarase da cota de matrícula (50%) no mes de outubro.

 

Ademais, para formalizar a inscrición na Escola de Atletismo, terás que cubrir o formulario online «Inscrición» dispoñible aquí ou na imaxe posterior, con carácter previo á asistencia. Se é a primeira vez no Club, anímate a probar sen compromiso durante o mes de setembro na xornada de portas abertas. Só tes que cubrir o impreso de proba gratuíta dispoñible aquí ou na imaxe «Coñécenos», e envialo por correo electrónico a escolalucus@gmail.com. Por cuestións de seguridade e responsabilidade, non se admitirá a participación de atletas que non presenten calquera dos impresos previamente.

 

 

Se tedes algunha dúbida, podedes consultar a información actualizada no apartado «Escola de Atletismo» ou contactar directamente con nós a través de e-mail, WhatsApp ou Cluber (información de contacto aquí), onde estamos sempre á vosa disposición.

 

[?] E SE TEÑO 13 ANOS OU MÁIS?

Os/as atletas do ano 2011 (que pasan da Escola ao Club) e anteriores, poden cubrir o formulario «Pre-inscrición» para reservar praza nos distintos grupos de adestramentos da categoría SUB16 en adiante, que darán comezo no mes de setembro (confirmarase a información e horarios por e-mail, WhatsApp ou Cluber). Se precisades de máis información, podedes consultar o apartado «Información – Club» ou contactar directamente con nós a través de e-mail, WhatsApp ou Cluber (información de contacto aquí), onde estamos sempre á vosa disposición.

 

VÉMONOS MOI PRONTO POLAS PISTAS!