RESULTADOS do CAMPIONATO DE GALICIA MÁSTER PC (14 xaneiro, Ourense)

Resultados do CAMPIONATO DE GALICIA MÁSTER DE PISTA CUBERTA celebrado o domingo 14 de xaneiro en Expourense. A representación e participación de cinco dos nosos atletas máis veteráns do LUCUS CAIXA RURAL GALEGA conseguiu rematar a xornada reunindo un total de sete medallas.

Gerardo Raposo conseguiría a medalla de bronce logo de rematar os 800 m.l. nun tempo de 2:16.54; as medallas de prata serían de José Luis Pernas, tras conseguir facer en 8.43 a carreira dos 60 m.l. e de Xabier Díaz, conseguindo en 9:23.40 bater os 3.000 m.l. Nesta mesma proba, Juan Antonio Gude proclamaríase vencedor cun tempo de 8:59.70, levando consigo a medalla de ouro.

Xa na categoría feminina, tres medallas de ouro conseguiría tamén Ros Sureda, que loitaría por facerse cos primeiros postos por categoría nas probas de 200 m.l., altura e salto de lonxitude, nas que conseguiu facer de marca 30.69, 1.40 metros e 4.19 m, respectivamente. Máis abaixo podedes consultar os resultados completos da xornada.

SEN DÚBIDA, FANTÁSTICOS RESULTADOS, NORABOA!