ABERTA A INSCRICIÓN PARA A ESCOLA DE ATLETISMO – TEMPADA 2023/24

Xa estamos de volta das vacacións de verán e, como cada mes de setembro, temos ABERTA A INSCRICIÓN para a nova tempada da Escola de Atletismo, que dará comezo o vindeiro martes 19 de setembro nas pistas do Estadio Gregorio Pérez Rivera, en Lugo.

Co obxectivo de seguir traballando para mellorar a nosa labor, esta Tempada 2023/24 vén acompañada dalgunhas novidades para favorecer a práctica de atletismo na localidade e ofrecer máis posibilidades para a conciliación familiar, entre as que destacan:

          ➩ Máis días e horas dispoñibles para os distintos grupos.

          ➩ Un día máis de adestramento en todas as categorías.

          ➩ Descontos especiais para as familias con 2 ou máis atletas na Escola.

          ➩ Posibilidade de pago telemático en cota única ou mensual.

Os adestramentos teñen lugar nas Pistas de Atletismo do Estadio Gregorio Pérez Rivera (baixando da piscina As Pedreiras), nos seguintes días e horas segundo cada categoría:

• Categorías SUB8 (2018-2017) e SUB10 (2016-2015): a escoller ata 3 días/semana.
  • De martes a venres de 17:00 a 18:00 horas.

• Categoría SUB12 (2014-2013): a escoller ata 3 días/semana.
  • De martes a venres de 18:00 a 19:30 horas.

• Categoría SUB14 (2012-2011): ata 4 días/semana.
  • De martes a venres de 18:00 a 19:30 horas.

Podes realizar xa a alta ou renovación na Escola de Atletismo a través de Cluber, así como probar sen compromiso durante o mes de setembro, se aínda non nos coñeces. Só tedes que cubrir o formulario que vos deixamos a continuación con carácter previo á asistencia para asegurar a vosa praza. No caso de proba gratuíta (pre-inscrición), tedes que enviar o impreso por e-mail a escolalucus@gmail.com ou entregalo de xeito presencial o primeiro día que acudades ás pistas (non se poderá participar nos adestramentos sen ter presentado calquera dos dous impresos previamente).

(Alta ou renovación)

(Proba gratuíta)

Se tedes algunha dúbida, podedes consultar a información actualizada no apartado «Escola de Atletismo» da nosa web ou contactar directamente con nós a través do e-mail, WhatsApp ou Cluber (Contacto aquí), onde estamos sempre á vosa disposición.

VÉMONOS DENTRO DE MOI POUCO!