NOVO COMUNICADO – SUSPENSIÓN TEMPORAL ESCOLA DE ATLETISMO

COMUNICADO OFICIAL

Despois de revisar as últimas medidas adoptadas pola Consellería de Sanidade para a Comunidade Autónoma de Galicia, así como as restricións específicas que se aplican para o concello de Lugo e outros ámbitos territoriais (recollidas no Decreto 5/2021, do 19 de xaneiro, polo que se modifica o Decreto 202/2020, do 3 de decembro, e na Orde do 19 de xaneiro de 2021 pola que se modifica a Orde do 3 de decembro de 2020), e tras a modificación no punto 6 do Anexo III da citada orde no relativo á práctica da actividade física e deportiva federada e non federada, no que se indica que “poderá realizarse de forma individual ou colectiva ata un máximo de catro persoas sexan ou non conviventes, debendo respectarse as limitacións de entrada e saída existentes en determinados ámbitos territoriais e as limitacións establecidas á liberdade de circulación das persoas en horario nocturno”; o CLUB ATLETISMO LUCUS, como medida de prevención e responsabilidade ante o contexto da actual situación sanitaria, COMUNICA:

• A SUSPENSIÓN TEMPORAL DOS ADESTRAMENTOS DA ESCOLA DE ATLETISMO desde hoxe xoves 21 de xaneiro –incluído– e ata novo aviso, para as categorías SUB8, SUB10, SUB12 e SUB14.

Nos últimos días tratamos de estudar diversas alternativas co fin de evitar a suspensión temporal da Escola de Atletismo (subdividir os grupos, establecer quendas semanais, modificar os horarios, etc.), pero ningunha delas nos permitía continuar coa nosa actividade ofrecendo un servizo de calidade e sen que ningunha familia se vise afectada polas medidas organizativas que tiveramos que adoptar, situación que nos parecía inxusta e que finalmente nos levou a tomar esta decisión. Confiamos en que esta suspensión sexa o máis breve posible e que podamos retomar os adestramentos coa mesma seguridade e ilusión. Sentimos profundamente as molestias que isto poida ocasionar e volvemos agradecer a vosa comprensión e confianza en nós.

Calquera outra novidade será informada a través dos medios de comunicación do Club.

XUNTA DIRECTIVA

LUCUS CAIXA RURAL GALEGA

Lugo, 21 de xaneiro de 2021