COMPETICIÓNS ESCOLARES FIN DE SEMANA (18 e 19 xaneiro, Lugo)

Fin de semana completo o que terán os/as atletas da nosa Escola de Atletismo, no que poderán disputar probas de pista cuberta, aire libre e campo a través nas mañás do sábado 18 de xaneiro e o domingo 19, ambos na capital lucense.

Mañá sábado será a partir das 10:15 horas nas pistas de atletismo do Estadio Gregorio Pérez Rivera, coa I XORNADA DA COPA DEPUTACIÓN DE LUGO para as categorías de SUB10 a SUB14. Deixámosvos o horario definitivo logo das modificacións e diversos enlaces de interese onde podedes consultar as probas que fará cada atleta, o regulamento e os resultados en directo, tanto de pista cuberta cos distintos concursos como de aire libre, coas carreiras de 500 metros lisos.

HORARIO DEFINITIVO

Pista cuberta (concursos)	Aire libre (500 m. l.)

O domingo será a quenda para a especialidade de cross, coa fase CLASIFICATORIA DE CAMPO A TRAVÉS – XOGADE que se disputará no Pazo de Feiras e Exposicións, tamén en Lugo. Será a partir das 11:00 horas e poderán tomar parte as categorías desde SUB10 ata SUB16, nunha xornada previa aos Campionatos Provincial e Galego. Deixámosvos o circuíto e os horarios das carreiras a continuación e lembrade que, nesta segunda fase, haberá clasificación individual e por equipos, con asistencia obrigatoria á recollida de medallas.

CIRCUÍTO

LEMBRADE !

• Acudir, como mínimo, 50 minutos antes da hora da túa proba, cun documento que acredite a túa identidade.
• Traer imperdibles para colocar o dorsal, ademais das zapatillas de cravos (se as tes) e roupa de cambio (segundo a meteoroloxía).
• Vestir a equipación de competir da Escola ou, no seu defecto, a roupa de adestramento obrigatoria (camiseta e suadoiro).
• Disfrutar da fin de semana co equipo e divertirse!

AGARDÁMOSVOS A TODAS E TODOS, NON FALTEDES!