I CLASIFICATORIA SUB14/SUB16 ATLETISMO EN PISTA – XOGADE (domingo 7 abril, Lugo)

Esta fin de semana é a quenda para os/as atletas SUB14 da Escola de Atletismo e a SUB16 do Club, na súa I CLASIFICATORIA DE ATLETISMO EN PISTA AO AIRE LIBRE que terá lugar nas instalacións do Estadio Gregorio Pérez Rivera, en Lugo, en xornada de mañá.

Será a partir das 10:00 horas coas carreiras de marcha, ás que seguirán os distintos concursos e demais carreiras de velocidade, valados, obstáculos e relevos, entre outras, que pecharán a competición arredor das 14h. Tedes todas as probas no horario posterior, así como o enlace para seguir os resultados en directo e a lista de inscricións realizadas, onde podedes consultar as que fará cada atleta.

HORARIO MODIFICADO

LEMBRADE OS SEGUINTES ASPECTOS IMPORTANTES PARA A COMPETICIÓN:

• Acudir, polo menos, 50 minutos antes da hora da primeira proba para recoller o dorsal e realizar o quecemento previo.
• Traer o documento persoal de identidade, imperdibles para colocar o dorsal asignado, zapatillas de cravos (se tedes) e roupa de cambio (segundo a meteoroloxía).
• Vestir a equipación de competir do Club.
• Disfrutar da xornada competitiva con deportividade.

VÉMONOS O DOMINGO!!